Këshillë prej Prijësit të Besimtarëve

El-Xhumah 08 Shaban 1430 / 31 07 2009

Umeri tha, ”Merre në llogari veten tuaj (veprat tuaja), para se të merresh në llogari. Pesho veten tuaj para se të peshohesh. Në të vërtet, nëse e llogarit veten tuaj sot, nesër llogaria yte do të jetë më e lehtë. Dhe stolise veten për një shfaqje madhështore (ditën e gjykimit)”


Atë ditë ju do të ekspozoheni (para Zotit), duke mos mbetur fshehtë asnjë sekret juaji. (Al-Hakah 69:18)

Njëherë Umeri i tha El-Ahnafit bin Kajsit, ”O El-Ahnaf, sa më shumë të qeshë ndokush, më pak krenari do të ketë. Kushdo që bënë shaka (pa mas) ai është një person që do të merret lehtë. Kush bënë diç vazhdimisht do të njihet sipas asaj gjëje. Kushdo që fol shpesh, do të gaboj shpesh, ai do të posedoj më pak modesti; Kushdo që ka nivel të ulët të modestisë gjithashtu do të ketë nivel të ultë të devotshmërisë; dhe kur dikush ka nivel të ulët të devotshmërisë, atëherë zemra e tij do të vdesë. ”

Duke e këshilluar një person tjetër Umeri tha ”Mos fol për atë që nuk të hynë në punë ty. Njihe armikun tënd dhe je syhapur ndaj shokëve tuaj, me përjashtim të atij që është i besueshëm. Dhe askush nuk është i besueshëm, përveç atij që e ka frikë Allahun. Mos u shoqëro me keqbërësin, përndryshe do të mësoj ty për diç nga e keqja e tij; dhe mos ia shpalos sekretet tuaja atij. Dhe kur të këshillohesh me të tjerët për punët tuaja, këshillohu vetëm me ata që ia kanë frikën Allahut Ezzeuexhel.” (Sifatus-Sefuah 1/149)