Njoftim i shkurtër me dijetarin Muhammed Husejn Ja'kub .

Ai është thirrësi i njohur, edukuesi i gjeneratave të reja Ebul Ala Muhammed ibën Husejn ibën Ja’kub. Në fshatin El Mu’temidijje në krahinën El Xhize në Egjipt në vitin 1375 H është lindur ky njeri. I ati i tij ka qenë prej thirrësve të njohur në fshatin e tij, me moral të lartë, i butë dhe i dashur tek banorët e fshatit. Ka qenë i njohur edhe me rolin e pajtuesit në problemet që ndodhnin mes banorëve të fshatit.

Nën përkujdesjen e këtij njeriu i rrit dhe u edukua shejhu ynë Muhammedi, Allahu e nderoftë në dynja dhe ahiret. Pas diplomimit në Fakultetin e mësimdhënësve udhëtoi në Arabinë Saudite për të përfituar dituri dhe këtë periudhë (1401H-1405H) shejhu konsideron si fillim i vërtetë në kërkim të diturisë së dobishme. Pas qëndrimit në Arabinë Saudite shejhu u kthye në vend por mbeti në lidhje të forta me dijetaret e Arabisë Saudite, të cilët i vizitonte shpesh. Pasi është kthyer në Egjipt e ka mësuar përmendsh Kur’anin dhe ka punuar në Qendrën Informatike mbi Sunnetin, që ishte qendra e parë që punoi në vendosjen e haditheve pejgamberike në kujtesën kompjutorike . Gjatë punës në këtë vend i është mundësuar kontakti me librat e hadithit gjë që dukshëm ndikoi në zgjerimin e diturisë së tij mbi librat e traditës pejgamberike.. Librat, që pas Kuranit dhe librave të hadithit ndikuan në formimin e tij janë librat e Ibën Xheuzit (Sajdul Hatir dhe Et-Tebsire), të Shejhul Islamit Ibën Tejmije (El Fetava), të tij Ibën Kajjimit (Medarixhus-Salikin dhe Tarikul Hixhretejn) si dhe vepra voluminoze e imam Dhehebiut (Sijer A’lamin Nubela).

Mësuesit e tij:

Al-lameja Abdul Aziz Ibën Baz tek i cili mësoi prej (1402H-1405H). Librat që i mësoi para tij ishin Fet’hul Bari, Sahih Muslim, El Akidetu Tahavijje, Fethul Mexhid dhe Tefsiri i Ibën Kethirit. Ka mbetur në kontakt me të deri në fund të jetës së tij në vitin 1420 H.

Al-lameja Muhammed ibën Salih El Uthejmin tek i cili qëndroi gjashtë muaj në vitin 1410 H. Librin të cilin e mësonte ishte sherh Zadul Mustekni’.

Shejh Abdullah ibën Ku’udi te cilin e vizitonte shpesh në shtëpinë e tij dhe i dëgjonte humbet në xhaminë e tij

Shejh Abdullah ibën Gudejjani para të cilit lexoi librin El Kavaid të Ibën Rexhebit.

Shejh Abdullah ibën Abdur-Rahman ibën Xhibrini tek i cili vazhdoi mësimet gjashtë muaj në librat Fet-hul Mexhid dhe Zadul Mustekni’.

Shejh Muhammed ibën Muhammed el Muhtar Esh-Shenkiti tek i cili mësoi një pjesë të librit Umdetul Ahkam.

Shejh Abdullah ibën Muhammed El Emin Esh-Shenkiti me të cilin udhëtoi një javë dhe tha se ka përfituar shumë nga zemërbardhësia.

Shejh Atijje Salim tek i cili mësoi librin Sherhul Verekat në lëminë e Usulit.

Shejh Ebu Bekr El Xhezairi tek i cili dëgjonte ligjërata në lëmin e tefsirit

Shejh Abdul Kadir Shejbetul Hamd në lëminë e tefsirit

Shejh Usame ibën Muhammed ibën Abdul Adhim nga i cili përfitoi më shumë në lëmin e edukimit dhe pastrimit të shpirtit Tezkijje. Para tij lexoi dhe dëgjoi komentimet e librave të Ibën Kajjimit

Shejh Rexhai El Misri El Mekkij para të cilit lexoi librin Sherhus-Sunne të Imam Begaviut.

Shejh Abdul Muhsin El Abbad

Al-lameja Muhammed Nasirud-din El Albani të cilin e ka takuar gjatë haxhxhit.

Shejh Mukbil ibën Hadi El Vadi’ij të cilin e ka takuar në Medine.

Në Egjipt shpesh herë takohet me kolegët e tij për të përfituar bashkërisht njohuri të reja. Të gjithë këta ai i konsideron mësues. Ata janë: Muhammed Safvet Nurud-din, Ebu Ish’hak El Huvejni, Muhammed ibën Ismail El Mukdim, Muhammed Hassani dhe Ebu Dherr El Kalmunij.

Veprimtaria e tij:

Është autor i disa librave:

• Kejfe Etubu i cili ka përmbledhur disa këshilla prej librit Medarixhus-salikin

• Tehdhib gidhail Elbab li Sefarinij - i cili ka përmbledhur disa këshilla që kanë të bëjnë me sunnetet e harruara në këtë kohë

• Ila huda i’tina - ligjërata mbi devijimit i cili është përhapur shumë në këtë kohë dhe mbi rrugën e udhëzimit

• El Uhuvetu Ejjuhel Ihve – mbi dukurinë e armiqësisë mes myslimanëve dhe mënyrën e shërimit të saj

• Sifatu Uht el multezime – mbi cilësitë e motrës muslimane

• El Kavaid El xhelijje litehalusi min el adetis-sirrije – për problemin e masturbimit dhe shërimit prej tij

• Harbut-Ted-hin – për problemin e duhanit

• Ja tarikes-salati – për namazin rëndësinë e tij dhe mëkati i atij që e le namazin

• El Xhiddije fil Iltizam – për seriozitetin dhe vendosmërinë në pasimin e rrugës së drejtë

• Hutbet e përmbledhura

• Muntalekat Talebil ilm – mbi vlerën e diturisë dhe mënyrën e përfitimit të njohurive të reja

• Emradul Umme – problemet e Ummetit dhe zgjidhja e tyre.

Në përgatitje të sipër janë edhe disa libra me tituj të ndryshëm.

Në aspektin e audio ligjëratave janë shumëzuar ligjërata me tituj të ndryshëm dhe janë prej kasetave më të kërkuara për dëgjim në botën Islame për shkak të elokuencës dhe mënyrën e prezantimit. Në shqip shumë herë është ri-publikuar audio kaseta e tij e njohur me titullin "Pse nuk falesh?"

Një projekt janë edhe video ligjëratat e tij në kanalet satelitore të ndryshme siç janë Rahme, Nas, Mexhd dhe shumë tjerë.

Në veprimtarinë e tij si thirrës vend të rëndësishëm ka edhe udhëtimi në vende të ndryshme me qëllim të thirrjes. Ka vizituar Sh.B. A-të, Suedinë, Spanjën, Zvicrën, Marokun, Katarin, Emiratet, Kuvajtin dhe Arabinë Saudite.

Shejhu është aktualisht jeton dhe vepron në Egjipt. Allahun e lusim që të ruaj shejhun tonë nga gjitha dëmet e dynjasë dhe ta shpërblen me Xhennetul Firdeus. Amin.





Talha Kurtishi