Në cilën natë do të jetë Nata e Kadrit dhe shenjat e kësaj nate

Nata e kadrit është në dhjetëshin e fundit të muajit ramazan, siç na ka lajmëruar Pejgamberi sal-lall-llahu alejhi ue sel-lem, ku thotë:

"Kërkone natën e kadrin në dhjetë netët e fundit të muajit Ramazan". [Mutteffekun alejh]

Ka përmendur i Dërguari i All-llahut sal-lall-llahu alejhi ue sel-lem duke thënë: "Kërkone natën e kadrit në netët teke gjatë dhjetë netëve të fundit të muajit Ramazan!" [Transmeton Buhariu]

Për Natën e Kadrit ka edhe hadithe tjera qe transmeton Imam Muslimi dhe të tjerët se Nata e Kadrit është në natën e njëzet e shtatë dhe se ka hadithe tjera që tregojn që nata e kadrit duhet kërkuar në netët tek në dhjet netë të fundit të muajit ramazan.

Disa dijetar si Ibën Haxheri, Imam Neveviu dhe të tjerët prej dijetarëve kanë thënë se Nata e Kadrit kërkohet në dhjet netë e fundit tekë dhe se nuk mundemi me përcaktu natën e kadrit me një natë të veçant duke e përcaktuar, por ajo natë siç ka ardh edhe në hadith se ajo natë është në dhjet netë të fundit të muajit Ramazan.

Mirësia e fshehjes së kësaj nate të bekuar dhe të madhe e ka lënë All-llahu subhanehu ue te'ala të panjohur që të shtohet me shumë adhurimi dhe të shumëfishohen më shumë istigfaret dhe lutjet.



Prej shenjave të Natës së Kadrit

Ekzistojnë disa shënja të nxjerrura nga hadithet e Pejgamberit, sal-lallahu alejhi ve sel-lem, të cilat tregojnë për Natën e Kadrit.

Shenja e parë:

Natë ku nuk do ketë zhurmë e as ulurima dhe do jetë koha as e ftoht e as e nxeht, siç ka ardhur edhe në hadithin e Pejgamberit sal-lall-llahu alejhi ue sel-lem.

Shenja e dytë:

Natë ku do ketë dritë dhe ku zemrat e njerëzve janë të qeta e që në atë natë do të ketë qetësim dhe nuk do gjuajn yjet atë natë siç ka ardh edhe ne hadithin e Pejgamberit alejhi selam, që transmeton imam Ahmedi.

Shenja e tretë:

Atë ditë kur do të lindje dielli nuk do ketë rreze dhe nuk do jetë sikur në ditët tjera, siç ka ardhur në hadith që transmeton Muslimi.



Ç'farë duhet të bëj musimani në këtë natë?

Duhet që muslimani apo muslimanja të përpiqet duke shtuar namazin, duke shtuar lutjet dhe istigfaret, duke shtuar leximin e Kur'anit etj.

O Zoti ynë na prano agjërimin dhe adhurimet tona, dha na mundëso që të mos privohemi nga nata e kadrit, dhe na bën prej atyre robërve që ua shumfishon sevapet dhe shkallët në Ditën e Gjykimit, sepse vetem Ti o All-llah je Ai i cili i përgjigjesh thirjes tonë!